“Xərçəng və Biz” adlı layihəsinə start...

Azərbaycan-Almaniya Tibbi Əməkdaşlıq Cəmiyyəti Azəbaycan Milli Onkologiya Mərkəzi, Azərbaycan Tibb Universiteti və Türkiyənin Gazi Univerisitetinin dəstəyi ilə növbəti “Xərçəng və Biz” adlı layihəsinə start verir. Layihənin əsas məqsədi cəmiyyətdəki “Xərçəng = Ölüm” düşüncəsini aradan qaldırmağın yollarını araşdırmaq, xərçəng xəstələrinin psixo-sosial reabilitasiyasinda rol oynaya biləcək maarifləndirici biliklər vermək, xərçəng xəstəliyinə və xəstələrinə olan münasibət barədə müxtəlif cəmiyyətlərdəki münasibətləri müqayisə etmək, bu sahədə dünya təcrübəsini cəmiyyətimizə tanıtmaq, tibb tələbələri və gənc həkimlərin bu barədə düşüncələrini bölüşməkdir.

Həkim və eyni zamanda sosial işçi olaraq mövcud olan tibbi və sosial normalar kompleksini, professional etik qaydalarını daha dərindən öyrənmək və inkişaf etdirmək istəyində olan gənc həkimləri, rezidentləri və Azərbaycan Tibb Universitetinin 3-cü və daha yuxarı kurs tələbələrini keçiriləcək layihəyədə iştirak etməyə dəvət edirik.

Layihənin dili Azərbaycan dilidir. İştirakçılar müraciət edənlər arasından müsabiqə yolu ilə seçiləcəkdir. İştirak etmək üçün verilən linkdən ərizə formasını doldurub xercengvebiz@gamca.az ünvanina göndərməyinizi xahiş edirik. Layihə iştirakçılara müxtəlif treyninqlər, məruzələr və Skype-seminarlar keçirdikdən sonra 04 Fevral 2013 cu il tarixdə “Dünya Xərçənglə Mübarizə Günü”ndə final konfransla sona catacaq. Final konfransında layihə çərçivəsində iştirakçıların hazırladıqları təqdimatlar və məruzələr özlərinin təqdimatında Münsiflər heyətinin dəyərləndirməsinə təqdim olunacaqdır.

Son müraciət tarixi 30 Noyabr 2012 -dir. Link : http://www.boxca.com/c4w0muplbr08/erize.docx.html
Hörmətlə: Təşkilat Komitəsi