Fəaliyyətimiz

Tibbi Treyninq Kursları Azərbaycan – Almaniya Tibbi Əməkdaşlıq Cəmiyyətinin nəzdində fəaliyyət göstərən Tibbi Treyninq Mərkəzinin əsas fəaliyyət formalarından biridir. Azərbaycanda tibb sahəsində ilk dəfə GAMCA tərəfindən təşkil olunan treyninq kursalarının əsas məqsədi tibbin müxtəlif  sahələrində çalışan gənc həkimlər, rezidentlər və tibb tələbələrinə praktik vərdişlərin aşılanmasıdır.

İlk tədbirimiz 7-11mart 2012-ci il tarixlərində  3-cü Azərbaycan-Almaniya Cərrahiyyə Günlərində bu günləri çərçivəsində təşkil olunmuşdur. Bu konfrans zamanı Almaniyanın aparıcı Klinikalarında çalışan proffessorlar tərəfindən laparoskopik cərrahiyyə və anesteziologiya sahəsi üzrə məruzələr, seminarlar, müzakirələrlə yanaşı, simulyator modellər üzərində təşkil olunan praktik məşğələlər iştirakçılar tərəfindən çox bəyənilmişdir.

Bu tədbirdən sonra GAMCA təşkilat komitəsi belə praktik təlimləri daha geniş formatda təşkil olunmasına qərar verdi. Növbəti tədbirimiz 29 sentyabr – 2 oktyabr 2012-ci il tarixlərində Almaniyanın Haydelberg Universitet klinikalarından dəvət olunmuş mütəxəssislərin iştirakı ilə “I Azərbaycan – Alman Tibbi Treyninq kursları” oldu. Bu zaman tibbin bir çox sahələrini (ümumi və laparoskopik cərrahiyyə, ginekologiya, radiologiya, endoskopiya, reanimasiya, uronefrologiya və əməliyyat tibb bacıları təlimləri) əhatə edən treyninqlərdə ümumilikdə 500 nəfərə yaxın gənc həkim, rezident və tələbəyə təlim keçirilmişdir.

Tibbi Treyninq Kursları, 15-17 Fevral, 2013