Bildiyiniz kimi Azərbaycan - Almaniya Tibbi Əməkdaşlıq Cəmiyyətinin (GAMCA) təşəbbüsilə 01.04.2011-ci ildə təsis olunan Azərbaycan Cərrahlar Klubu(ASC) hər ayın son həftəsində yığıncaqlar keçirir.

Bildiyiniz kimi Azərbaycan - Almaniya Tibbi Əməkdaşlıq Cəmiyyətinin (GAMCA) təşəbbüsilə 01.04.2011-ci ildə təsis olunan Azərbaycan Cərrahlar Klubu(ASC) hər ayın son həftəsində yığıncaqlar keçirir. Bu günə qədər cərrahlar klubunun yığıncaqlarda cərrahiyyədə, həmçinin tibbin digər sahələrində aktual olan mövzular barədə Dr.Qurban Müslümov, Dr.Eldar Əhmədov, Dr.Rauf Şahbazov,  Dr.İslam Mahalov, Dr.Elnur Fərəcov, Dr. Emil Muxtarov, Dr. Rəşad Mahmudov, Dr. Ahmet Memiş, Dr.Zaur Xəlilov, Dr.Zəhra Vəzirova, Prof. Levent Albayrak, Prof. Aydın Dalgıc və s. tərəfindən mühazirələr və prezentasiyalar aparılmış, maraqlı və unikal xəstə halları müzakirələr olunmuşdur.  Həmçinin 3-CÜ AZƏRBAYCAN – ALMANİYA CƏRRAHİYYƏ GÜNLƏRİ çərcivəsində Almaniyadan gəlmiş mütəxəssislər Prof.F.Willeke, Prof.W.Hering, Dr.R.Friedberg, Dr.Med. T.Hasenberg tərəfindən “Mürəkkəb laparoskopik cərrahiyyənin prespektivləri və problemləri”, “Kolektomiya və damar cərrahiyyəsində anesteziyanın xüsusiyyətləri”, “Damar Cərrahiyyəsinin gələcəyi - Vaskulyar Təbabət”, “Bariatrik cərrahiyyənin prinsipləri və prespektivləri” mövzularında prezentasiyalar edilmiş və interaktiv diskussiyalar aparılmışdır.
Məlumat veririk ki, Azərbaycan Cərrahlar Klubunun (ASC) növbəti toplantısı noyabr ayının 2-də saat  16:30-da H.Zərdabi küç.77a (AATƏC (Azərbaycan - Almaniya Tibbi Əməkdaşlıq Cəmiyyəti)-nin ofisi) ünvanında keçiriləcəkdir.
Mövzu:
1.  Qarın kötüyü şaxələrinin anevrizmaları: cərrahi və radioloji baxış (prof. Ahmet Memiş, t.e.d. Qurban Müslümov)
2.  Pankreas başının sistik törəməsini imitasiya edən art. pankreatikoduodenalis inferior-un psevdoanevrizmasının uğurlu müalicəsi (case report) (t.e.d. Qurban Müslümov, Phd. İlyas Həsənov)
Yığıncaq açıqdır, maraqlananlar  iştirak edə bilərlər. Tədbirlə bağlı sualları ünvanlamaq üçün aşağıdakı elektron ünvana müraciət edə bilərsiniz asclub2011@gmail.com