Azərbaycan Dövlət Televiziyasının əməkdaşı Rafiq Həşimov tərəfindən açıq seminar keçirilmişdir

 “İRƏLİ” İctimai Birliyi Tədqiqatlar Mərkəzinin Azərbaycan-Almaniya Tibb Cəmiyyəti (AGMS) ilə birlikdə dahi akademik Azad Mirzəcanzadənin xatirəsinə həsr olunmuş “Elmi – tibbi tədqiqatların müasir əsasları və istiqamətləri” adlı layihəsi davam etməkdədir. 

Layihə çərçivəsində 08 aprel 2011–ci il tarixdə "Oratorluq peşəsinin sirləri" mövzusunda Azərbaycan Dövlət Televiziyasının əməkdaşı Rafiq Həşimov tərəfindən açıq seminar keçirilmişdir. Seminar zamanı gənc təbiblərə auditoriya qarşısında çıxış etmə mədəniyyəti, polemika  aparılması, nitqin inkşaf etdirilməsi və mahir oratorluq vərdişlərinin əldə edilməsi və s. məsələlər ətrafında maraqlı disskusiyalar aparılmışdır. Həmçinin ekspert tərəfindən gələcək tədqiqatçılara dilin və nitqin zənginləşdirilməsinə kömək edən faktorlar barədə informasiya verilmiş, auditoriyanın diqqətinin özünə cəlb edilməsi və nitqdə mövcud olan qüsurların aradan qaldırılması yolları müzakirə edilmişdir.