Davosda keçirilən Cərrahi Forum bitmişdir

İsveçrənin Davos şəhərində keçirilən 31-ci Cərrahi Gastrointestinal Forum bitmişdir. Xəbər verdiyimiz kimi, ilk dəfə Azərbaycandan olan nümayəndələr davamlı tibbi təhsil və ixtisaslaşma sahəsində Avropanın ən sanballı tədbirlərindən hesab edilən bu foprumda iştirak etmişlər. Eləcə də, azərbaycanlı  professor Davos Beynəlxalq Cərrahi Treyninq Forumunun fakültə üzvü və treyneri seçilmişdir. Tədbirin gedişində GAMCA nəzdində fəaliyyət göstərən Tibbi Treyninq Mərkəzinin bu günə qədər olan fəaliyyətinin təqdimatı keçirilmiş, bu treyninqlərə beynəlxalq statusun verilməsi yönümündə birgə əməkdaşlığı davam etdirilməsi qərara alınmışdır.Artıq Prof.Dr.Med Q.Müslümov 28 fevral - 6 mart 2015 tarixində ənənəvi olaraq Davos şəhərində keçiriləcək 32-ci Treyninq kurslarında bu tədbirin treyneri kimi iştirak edəcəkdir. Bununla yanaşı olaraq Azərbaycandan daha 10 nəfər cərrah və rezident bu tədbirə iştirakçı kimi qatılmaq şansı qazanacaqdır.Tədbirin gedişində gələcəkdə həkimlərimiz və tələbələrimiz üçün belə əhəmiyyətli bir tədbirin Azərbaycanda keçirilməsinin mümkünlüyü də müzakirə edilmişdir.