GAMCA növbəti treyninq kurslarına start verir.

Əziz həmkarlar, Azərbaycan Almaniya Tibbi Əməkdaşlıq  Cəmiyyətinin nəzdində fəaliyyət göstərən Tibbi Treyninq Mərkəzi 7-9 fevral 2014-cü il tarixlərində növbəti Laparoskopik Toxuma Disseksiya Kursları təşkil edir. 

Kurslar tam olaraq Karl Ştorz və Wolf firmasına məxsus avadanlıqlar dəstindən istifadə edilməklə canlı toxumalar üzərində təcrübəli treynerlərin rəhbərliyi altında keçirilir. İştirakçıların qeydiyyatı online olaraq aparılacaq. 

Online qeydiyyat üçün isə www.gamca.az saytından  və facebook səhifəmizdən (Laparoskopik Toxuma Disseksiyası Kursları) yüklədiyiniz qeydiyyat  vərəqəsini 3 fevral 2014-cü ilə qədər treyning.gamca@gmail.com e-mail ünvanına göndərə bilərsiniz. 

Müraciətlərin çoxluğunu nəzərə alaraq əvvəlki treyninqlərimizdə iştirak edənlərə, cərrahiyyə üzrə rezidentura təhsili alanlara və yuxarı kurs tələbələrinə üstünlük veriləcəkdir. Tədbir Azərbaycan - Almaniya Tibbi Əməkdaşlıq Cəmiyyətinin ofisində keçiriləcək.  

Tədbirin yenilikləri barədə məlumatları GAMCA-nın rəsmi internet səhifəsindən (www.gamca.az) və həmçinin tədbirin facebook səhifəsindən ala bilərsiniz.