Azərbaycan Cərrahlar Klubunun (ASC) növbəti toplantısı keçirilmişdir

Nəzərinizə çatdırırıq ki, 30 noyabr 2013-cü il tarixində Azərbaycan - Almaniya Tibbi Əməkdaşlıq Cəmiyyətinin ofisində Azərbaycan Cərrahlar Klubunun (ASC) növbəti toplantısı keçirilmişdir.

Toplantı GAMCA-nın sədri Prof. Dr. Med. Qurbanxan Müslümovun qonaqları salamlaması və Laparoskopik cərrahiyənin müasir təbabətdə yeri, imkanları və Azərbaycanda ixtisaslaşmış laparoskopik cərrahiyyənin müasir durumu barədə qısa informasiyası ilə başlandı.

Sonra Ümumi cərrah Samir Hacıbabayev tərəfindən “Laparoskopik mədə cərrahiyəsində müasir durum və perspektivləri” mövzusunda geniş məruzə edildi. Məruzədə xoş və bədxassəli xəstəliklərə görə icra edilən müxtəlif həcmli qastrectomiyalar, onlara göstərişlər, əməliyyatın texnikası və s. barədə maraqlı məsələlər əhatə edilmişdir. Daha sonra Prof. Dr. Med. Q. Müslümov movzuya dair öz şəxsi təcrübəsindən qastrektomiya icra edilmiş xəstə barədə videoprezentasiya etdi. Sonda məruzəçilərə çoxlu suallar verildi və mövzu ətrafında maraqlı disskusiyalar aparıldı.