Azərbaycan Cərrahlar Klubunun (ASC) növbəti toplantısı 26 oktyabr Azərbaycan - Almaniya Tibbi Əməkdaşlıq Cəmiyyəti-nin ofisində keçirilmişdir.

    Azərbaycan Cərrahlar Klubunun (ASC) növbəti toplantısı 26 oktyabr Azərbaycan-Almaniya Tibbi Əməkdaşlıq Cəmiyyəti-nin ofisində keçirilmişdir. 

    İclası giriş sözü ilə açan AATƏC-in sədri Q.Müslümov qonaqları salamladıqdan sonra 1-3 noyabr tarixində GAMCA tərəfindən keçiriləcək Laparoskopik Kursları barədə məlumat verdi. Daha sonra auditoriyaya məruzəçiləri təqdim elədi. İlk öncə Mərkəzi Neftçilər Xəstəxanasının Urologiya şöbəsinin müdiri Asif Cahangirov "Sidik ifrazat sistemi daşlarının müasir müalicə metodları"  mövzusunda məruzə ilə çıxış etdi. natiq çox dolğun şəkildə sidik ifrazat sistemi daşlarının etiopatognezini, klassifikasiyalarını, diaqnostika və müalicə metodları barədə məlumatı auditoriyaya çatdırıldı. Uretrolitotripsiyanın üstün və çatışmayan cəhdləri barədə verilən bir çox sualları cavablandırdı.

    Sonra Almaniyanın Frayburq şəhərinin Universitet klinikasının Neyrocərrahiyyə kafedrasının əməkdaşı Ramazan Cabbarlı "Müasir spinal cərrahiyyə" mövzusunda prezentasiya təqdim etdi. Spinal neyrocərrahiyədə minimal invaziv hesab edilən tubulyar sistemlər haqda ətraflı məlumat verdi. mövzu auditoriyada maraqlı qarşılandı, Almaniya və Azərbaycan neyrocərrahiyyəsinin dünəni və bugünü müqayisə olundu və lektor ona ünvanlanan sualları çox həvəslə cavablandırdı.

     Toplantının sonunda tədbir iştirakçıları xatirə şəkili çəkdirdi.