Slalomer

Slalomer - saat əqrəbi istiqamətində 

Məqsəd: əsas laparoskopik praktik vərdişlərin, ilk növbədə sol və sağ əllə birgə işləmək və əllərin koordinasiya edilməsi, işləmə dərinliyinin hiss edilməsi, sürətin idarə edilməsi, individual strategiyanın seçilməsi və alətlərlə rəftar hissinin öyrənilməsi.

Necə icra edilməlidir:Bu tapşırıq " iynə "-nin " tikiş dəlik"-lərindən keçirilməsi ilə xarakterizə olunur. Tapşırığı uğurla icra etmək üçün 10 dəlikdən keçmək lazımdır. Əvvəl ən yaxında olan dəlikdən keçirilir, daha sonra isə tapşırıq saat əqrəbi istiqamətində davam edilir. Həmçinin rezin parçaların altında olan dəliklərdən keçməyi də unutmayın. Bu tapşırıq yalnız " iynə " –nin bütün " tikiş dəlik"-lərindən keçərək geri qayıtdıqdan sonra bitmiş hesab olunur. Nəzərə almaq lazımdır ki, əgər " iynə" " tikiş dəlik"-lərindən düzgün keçirilməzsə sap qısa qalır və tapşırıq sona çatdırıla bilmir və düzgün icra olunmuş hesab edilmir.

Gözlənilən nəticə: 1 dəqiqə 40 saniyə

Tapşırığın son icrasından əvvəl minimum 40 dəfə məşq etmək tövsiyyə olunur.  Final icraya keçməzdən əvvəl 10 ən yaxşı nəticənin orta vaxt göstəricisi gözlənilən nəticədən (1 dəq 40 saniyə) qısa olmalıdır.

Slalomer - saat əqrəbinin əksi istiqamətində 

Bu zaman bütün prinsiplər olduğu kimi qalır, sadəcə " iynə "-nin " tikiş dəlik"-lərindən keçirilməsi ardıcıllığı  saat əqrəbinin əksi istiqamətində aparılır.