Haqqımızda

    Dünyada qloballaşma və inteqrasiyanın sürətlənməsinin ən mühüm töhfələrindən biri də təhsilin sərhədsizləşməsidir. Artıq təhsil imkanları yaşadığınız ölkənin hüdudları ilə məhdudlaşmır. Mükəmməl ixtisas sahibi olmaq və tibb sahəsində özünəməxsus yer tutmaq istəyən hər bir gənc təhsilini digər dünya ölkələrində davam etdirmək məqsədilə xaricə üz tutur. Bu da ölkəmizdə təhsilin dünya, başlıca olaraq da Avropa təhsil sisteminə inteqrasiyasına yardımçı olur.
    İndi Azərbaycandan olan tələbələrin də Avropada müxtəlif pillələr üzrə ali təhsil almaq və eyni zamanda əsas ixtisas istiqamətlərində əlavə dil kursları və təcrübələrdə iştirak etmək imkanı qazanması ölkəmizdə təhsilin keyfiyyətinə və peşəkar mütəxəssislərin yetişməsinə yardımçı olur. Avropada təhsil alıb geri dönən tələbələr ölkədə yüksək nəzəri və praktiki bilik bazasına malik mütəxəssilərin artması anlamına gəlir.
    Azərbaycan Almaniya Tibbi Əməkdaşlıq Cəmiyyəti olaraq biz də bu yolda sizə təhsilinizi inkişaf etdirmək üçün fürsətlər təqdim edirik. AATƏC tərəfindən tibb tələbələri və həkimlər üçün Almaniyadakı tibb universitetlərinin nəzdində olan yüksək ixtisaslı və çoxprofilli xəstəxanalarda təcrübə keçmək və Almaniyanın bir çox şəhərlərində dil kurslarına getmək imkanı yaradılır. 2012-ci ildən başlayaraq təşkilatımız Azərbaycanda ilk dəfə olaraq tibb tələbələri üçün yay aylarında Almaniyanın Siegen, Heidelberg və Francfurt şəhərlərindəki universitet klinikalarında təcrübə keçmək imkanları təqdim etdi.Təcrübəkeçən iştirakçıların təəsüratlarını sizinlə də bölüşəcəyik. AATƏC-in xidmətindən istifadə etməklə siz dünyadakı ən yeni tibb nailiyyətləri və effektiv müalicə üsulları ilə yerində tanış olacaq, eyni zamanda ən inkişaf etmiş xəstəxanaların kollektivində olmaq şansı qazanacaqsınız
    Təhsil yolunda atacağınız hər addımda SİZƏ UĞURLAR ARZULAYIRIQ.


GAMCA

Our socials